اداره الموقع و المنتديات


عزيزى الزائر اذا كنت عضو ومنضم لاسره منتديات اسمعلاوى فاضغط على دخول واذا كنت زائر نتمنى ان تضغط على تسجيل وتزيدنا شرف انضمام سيادتكم لاسرتنا واذا كنت لاتريد فاضغط على اخفاء ونحن اسفون على ازعاجكم ونتمنى لكم قضاء وقت ممتع بالموقع والمنتديات
اداره الموقع و المنتديات



 
الرئيسيةالرئيسية  مغلقمغلق  قناه اسمعلاوىقناه اسمعلاوى  شات اسمعلاوىشات اسمعلاوى  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 بالصور: منشور يملىء الاسماعيليه مطالبا المجلس بالرحيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
M_abdelwahab
ADMIN
ADMIN



ذكر
عدد المشاركات : 1439
احترام القوانين : يحترم ويلتزم بقوانين المنتدى
نقاط : 3663
تاريخ التسجيل : 17/01/2009

الاضافات
ساعه الكترونيه:

مُساهمةموضوع: بالصور: منشور يملىء الاسماعيليه مطالبا المجلس بالرحيل   الأحد يوليو 11, 2010 2:37 pm

[ندعوك للتسجيل في المنتدى أو التعريف بنفسك لمعاينة هذه الصورة]
انتشر مساء امس بمدينه
الاسماعيليه و بشكل رهيب
منشور يدين
مجلس الاداره و يطالب برحيله و يبدى اسبابا عده لرحيل المجلس و اعلان وقفه
جماهيريه
تدين المجلس

اليكم المنشور


وقفة 13 يوليو السلميه لتحرير الاسماعيلي من ابو
الحسن ومجلس العار

قبل اي حاجه , الورقه اللي في ايدك دي لا تبع
العثمانيين ولا تبع علي غيط ولا جمال هيلتون ولا تبع اي حد , الورقه دي
اللي عاملها شباب و رجاله بتحب الاسماعيلي وغيرانه عليه وزعلانه علي اهانة
اسم النادي من ناس مكانتش تحلم في يوم انها تتصور جواه , الورقه دي صوت ناس
كثير اوي عايزه تعبر ومش عارفه تعمل ايه , الورقه دي قد تكون بارقة امل
وبادرة تحرك ايجابي , احنا مش هنتكلم انشائي , احنا هنخلي الحقائق هي اللي
تتكلم وانتو عليكو الحكم في الاخر , خلينا نستعرض تجاوزات مجلس الاداره
الحالي برئاسة المقاول نصر أبو الحسن :

• صفقة عصام الحضري كلفت
النادي 600 الف دولار لنادي سيون + 100 الف دولار للمحامي السويسري + مليون
ونصف ما تحصل عليه الحضري نسبة 75% من عقده + بيع شريف عبد الفضيل لتمويل
صفقته + رفع عقد محمد صبحي من 500 الف لمليون ونصف ليصبح اغلي حارس مرمي
احتياطي في مصر + اهانته للنادي بطلبه اللعب للأهلي ليلة مباراة الفريقين
في مودرن سبورت + شكواه للاسماعيلي في اتحاد الكره نتيجة عدم حصوله علي
مستحقاته وفي النهايه يتم بيعه للزمالك بنصف قيمة محمود ابو السعود ب2.5
مليون جنيه علما بأن المجلس رفض عرضا من المريخ السوداني و ليرس البلجيكي
وصل الي مليون دولار وطلب 3 مليون دولار للتخلي عن اللاعب.

• فضيحة
السمسره ببناء شركة المقاولات خاصته "العروبه" سور النادي الأهلي بمدينة 6
اكتوبر وهي نصيبه من تمريره لصفقة شريف لهم بدلا من الزمالك.


وعوده الكاذبه منذ تولي المسئوليه وتتمثل في انشاء نادي اجتماعي و قناه
تليفزيونيه و استاد جديد بأرض فيدكو و تسويق المحلات التجاريه بالدرجه
الثالثه.

• الاساءه لاسم الاسماعيلي تجاريا بعدما تراكمت ديون
الضرائب و الكهرباء لتصل ل26 مليون جنيه و حجز شركة ترافكو للسياحه علي
النادي الاسماعيلي في فضيحه لم ولن تحدث في تاريخ اي نادي رياضي محترم.


الاساءه لاسم النادي اعلاميا بعدما اصبح تطاول اللاعبين علي النادي في
عهده هو شئ مباح وقد يكون هو محرضهم علي ذلك لبيعهم بحجة انهم خونه ولم لا
فشريف عبد الفضيل و من بعده عصام الحضري ثم معتصم سالم واخيرا عمر جمال
وحتي الناشئين فاسلام مجدي الذي انتقل للأهلي في صفقه مشبوهه بين الثلاثي
ابو الحسن و العجوز و رزق تميم بدون مقابل بعدما اعطوه الاستغناء الخاص به
كان يتدرب في الأهلي شهرا قبل رحيله وهو عضو في الالتراس اهلاوي وحتي اسلام
عماد الناشئ يسخر من ناديه واصفا اياه بالنادي اللذيذ.

• الاساءه
لاسم النادي رياضيا بالانسحاب من بطولة افريقيا الموسم الماضي وهو ما ترتب
عليه تصنيف الاسماعيلي كتصنيف رابع وهو ما نتج عنه مجموعة افريقيا المشتعله
هذا العام , بالاضافه لمهزلة صفقة الغاني صموئيل أفوم هداف الدوري الغاني
والذي حاول ابو الحسن تخطي وكيل اعماله الغاني ارونا و المصري منير حسن
والتفاوض مباشرة مع رئيس ناديه دون اعطاء وكيليه نسبتهم ما نتج عنه رحيل
اللاعب وتشويه صورة الاسماعيلي كنادي لا يحترم التعاقدات.

• التفريط
في حقوق النادي ماديا برحيل جونسون مجانا وهو صاحب عقد ساري ومحمد فضل دون
تجديد ليرحل للأهلي دون مقابل وهو من رفض بيعه للزمالك بمبلغ 750 الف جنيه
بالاضافه لل100 الف جنيه المدفوعه لمحمود جاكسون لاعب الاوليمبي السابق
والتي لم يتحصل عليها الاسماعيلي ليومنا هذا بالاضافه للأموال المهدره من
شركة طيف للدعايه و الاعلان والتي تقدر ب4 ملايين جنيه + ما لا يقل عن 400
الف جنيه رفض تأجير الجزء الخلفي من نادي الجوهره الاجتماعي لاقامة الملاهي
هناك بلا سبب والمكان خالي ليومنا هذا بلا شاغل.

• التفريط في حقوق
النادي جماهيريا بعدم مساندة الجماهير وقت الازمات واخرها مهزلة استاد
المكس بعد مباراة قبل نهائي الكاس الحاليه بعدما تعدي الأمن بالضرب علي
الجماهير العزل وما كان من السيد رئيس النادي ورئيس ناديه التفصيل رزق تميم
الا شكر مدير أمن الاسكندريه في جلسة المجلس المحلي واتهام جماهير ناديه
بالشغب وبدء العنف.

• تجاهل المجلس لأكبر صفقه رعاية في تاريخ كرة
القدم المصريه المقدمه من شركة طيران الأمارات راعي نادي الارسنال بمبلغ 13
مليون جنيه سنويا + مميزات عديده منها باص راقي و اطقم لعب من شركة نايكي و
برنامج تبادل خبرات وتسويق لاعبين لان المجلس لن يخرج بسبوبه ولا تستغربو
اذا عرفتم ان عاطف زايد تحدث مع الوسيط حول امكانيه احضار سبائك الذهب من
سييراليون لتسهيل تجارته بدلا من التحدث مع الوكيل في تلك الصفقه
التاريخيه.

• لأول مره في تاريخ الاسماعيلي ينقطع اللاعبين عن
المران بحجة عدم استلامهم لمستحقاتهم ويضرب العاملون بالنادي عن اعمالهم
لعدم استلامهم رواتبهم لشهرين متتاليين.

• لأول مره يتم وقف أحد
اعضاء المجلس (خالد الطيب) ومنعه من دخول النادي والتبليغ عنه في مديرية
الأمن والفضائح كلها كالعاده في الغرف المغلقه (شبانه وشلبي وعبده
والغندور).

• اهدار مئات الالاف في الجنيهات في احضار ما لا يقل عن
60 لاعب كسر من افريقيا ولم يتعاقد النادي مع ولا لاعب منهم وكلفو النادي
بمتوسط 7 الاف جنيه للفرد تذاكر طيران و اقامه ليتخطي ما تم صرفه نصف
المليون جنيه في الهوا.
• سوابق أبو الحسن في حد ذاتها كارثه , فله في
المحاكم اكثر من 18 جنحة شيكات بدون رصيد وبلطجه وحتي يتسني له لاتقدم
لرئاسة النادي استعان باللواء سعيد امين لتنظيف الفيش و التشبيه الخاص به
وهو الذي تم مكافئته فيما بعد بمنصب مدير أمن النادي براتب شهري 5 الاف
جنيه وهو ليس له اي دور في النادي سوي الجلوس في التكييف.

• سرقة
كابلات عواميد انارة الملعب من مخازن النادي وهي التي تم ادخالها المخازن
دون اثبات لبيعها لتجار الخرده بعد تسييحها (عدد 430 كابل , وزن الكابل 9
كيلو و الكيلو ب 55 جنيه) وهي الفضيحة التي يتستر عليها المجلس حاليا.


أصبحت السبوبه هي الحاكم الأول في صفقات الاسماعيلي فنرفض التعاقد مع افوم
هداف الدوري الغاني وايميكا اوبارا واحد من افضل المهاجمين الافارقه في
المنطقه بحجة رفضهم الاختبار ونتعاقد مع الثنائي السليتي و سوكاي بدون
اختبارات , السليتي بدلا من 70 الف دولار سنويا في الملعب التونسي يتقاضي
200 الف دولار في الاسماعيلي , شادي بدلا من 800 الف جنيه في الاتحاد
يتقاضي متوسط مليون و 300 في الاسماعيلي , فوتا بدلا من 14 الف دولار كما
كان سيتقاضي في الافريقي التونسي ب 20 الف دولار في الاسماعيلي , وهكذا
تدار الامور في نادينا.

• رفع أسقف العقود بصوره مخيفه حمص 2 مليون ,
الحضري 2 وربع مليون, عمر 1.8 مليون , ابو جريشه 1.3 مليون.


المجلس بالورقه والقلم حصل علي مناخ لم يتهيأ لاي مجلس اخر وخزينه ممتلئه
فتحصل علي 10.5 مليون جنيه من اعارة حسني + 3 مليون جنيه باقي اقساط هاني
سعيد + 7 مليون جنيه من المجلس القومي لانشاء النادي الاجتماعي وتم صرفها
علي الفريق + 5 مليون جنيه من وزارة البترول + 7.5 مليون جنيه من بيع شريف
عبد الفضيل + 2 مليون جنيه من شريف عبد الفضيل + مليون جنيه من داريو كان +
مليون جنيه من ابراهيم سعيد + 800 الف جنيه اعانه من الشباب و الرياضه
للألعاب الاخري تم صرفها علي فريق الكره + 2 مليون جنيه من المحافظ + 200
الف دولار من البوشي + 4 مليون جنيه من شركة افريقيا للاعلان + 2.5 مليون
جنيه من الحضري + حقوق البث لموسمين + ايرادات المباريات لموسمين + الفكه
مثل بيع مصطفي طلعت ب200 الف لوادي دجله وغيرهم.

يا رجالة اسماعيليه
النظيفه , الاسماعيلي نادينا اللي اتربينا علي حبه و الانتماء ليه , اللي
اتربينا علي الغيره عليه ومبنستحملش كلمه تتقال في حقه , دلوقتي بيتهان
بايدين اللي ماسكينه , الاسماعيلي كرامته بتروح واسمه بيتهان , واحنا يا
اسمعلاويه سلبيتنا زادت عن الحد وبقينا زينا زي غيرنا بنتفرج وايدينا في
وسطنا , يا هنقف دلوقت ونقول لأ زي ما قلنا لأ لكل واحد تعدي حدوده يا نسكت
للأبد و ووقتها هتكون هيبة جمهور الاسماعيلي راحت بلا رجعه , لو ترضي بكده
ولو هانت عليك كرامة ناديك خليك في بيتك او علي قهوتك , لكن لو كرامتك
حسيت انها اتهانت باهانة ناديك قوم اتحرك معانا وخلينا نطالب بحل مجلس
العار اللي بيحط راسنا كل يوم عن اللي بعده في التراب اكثر و اكثر , يا
تتحرك دلوقت بجد وتكون ااسمعلاوي ايجابي , يا اما متجيش تشتكي بعد كده علي
حال ناديك وحتي كمان متقولش انك اسمعلاوي , لانك وقتها هتكون متستحقش اللقب
الغالي اوي ده اللي احنا بنرخصه بسكوتنا عن الظلم وسلبيتنا.

وعايز
اطمنك واؤكدلك انك تقدر تشيل مجلس العار ده , البند 57 من القانون 80 لسنه
2008 بينص علي
" انه من حق رئيس الجهة الادارية و دون التقيد باجراءات
الحل المتعارف عليها حل مجلس الأداره لمجرد ان يري المختص حالة الضرورة
التي لا تحتمل التأخير ولمقتضيات الصالح العام أن يصدر قرار الحل فوراً دون
اتباع الإجراءات المنصوص عليها في الفقرة السابقة ولمجلس الإدارة ولكل عضو
فيه حق الطعن في قرار الحل أمام محكمة القضاء الإداري"


التجمع
ان شاء الله هيكون يوم الثلاثاء 13 يوليو 2010 الساعه السادسه مساء في
حديقة ابراهيم سلامه بجوار استوديو بديوي والنساجون الشرقيون للتحرك جماعة
للوقوف السلمي والاعتراض بكل احترام امام المحافظه الجديده
.

-------------------------------------------------------------------------
مدير الموقع والمنتديات
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.ism3lawy.tk
Mahmoud 3hdy



ذكر
عدد المشاركات : 418
احترام القوانين : يحترم ويلتزم بقوانين المنتدى
نقاط : 542
تاريخ التسجيل : 18/07/2009

الاضافات
ساعه الكترونيه:

مُساهمةموضوع: رد: بالصور: منشور يملىء الاسماعيليه مطالبا المجلس بالرحيل   الأحد يوليو 11, 2010 2:47 pm

هحاول أروح ان شاء الله و عايزين نعمل تغطية ليها

-------------------------------------------------------------------------
منجاوى و افتخر و اللى مش عاجبه ينتحر
الرجوع الى أعلى الصفحة اذهب الى الأسفل
M_abdelwahab
ADMIN
ADMIN



ذكر
عدد المشاركات : 1439
احترام القوانين : يحترم ويلتزم بقوانين المنتدى
نقاط : 3663
تاريخ التسجيل : 17/01/2009

الاضافات
ساعه الكترونيه:

مُساهمةموضوع: رد: بالصور: منشور يملىء الاسماعيليه مطالبا المجلس بالرحيل   الأحد يوليو 11, 2010 3:03 pm

suuuuuuuuuuuuuuuure

-------------------------------------------------------------------------
مدير الموقع والمنتديات
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.ism3lawy.tk
 
بالصور: منشور يملىء الاسماعيليه مطالبا المجلس بالرحيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: جماهير الدراويش :: قهوه الاسمعلاويه-
انتقل الى: