اداره الموقع و المنتديات


عزيزى الزائر اذا كنت عضو ومنضم لاسره منتديات اسمعلاوى فاضغط على دخول واذا كنت زائر نتمنى ان تضغط على تسجيل وتزيدنا شرف انضمام سيادتكم لاسرتنا واذا كنت لاتريد فاضغط على اخفاء ونحن اسفون على ازعاجكم ونتمنى لكم قضاء وقت ممتع بالموقع والمنتديات
اداره الموقع و المنتديات



 
الرئيسيةالرئيسية  مغلقمغلق  قناه اسمعلاوىقناه اسمعلاوى  شات اسمعلاوىشات اسمعلاوى  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 عاوز تبقى مصرى .... اقف فى الطابور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الجنيرال ميدو

avatar

ذكر
عدد المشاركات : 350
احترام القوانين : يحترم ويلتزم بقوانين المنتدى
نقاط : 489
تاريخ التسجيل : 02/04/2009

مُساهمةموضوع: عاوز تبقى مصرى .... اقف فى الطابور   الأربعاء سبتمبر 16, 2009 3:29 pm

مررت في حياتي بالعديد من الطوابير المنتشرة في مصر ,من أول طابور العيش , وطوابير المصالح الحكومية وغيرها الكثير من الطوابير التي تعد صفة مميزة لمصر ,وسنتكلم في هذا الموضوع عن الطوابير في مصر , ولنبدأ بالطابور الأول (طابور العيش ),والذي بدأ يتلاشى من جميع المحافظات.
1- طابور العيش

وهو الطابور الأشهر لدى المصريين , والذي أعتقد أن معظم المصريين قد وقفوا فيه (فعشان تاخد الجنسية المصرية ممكن تقف في طابور العيش يوميا لمدة أسبوع , وبعد كده ممكن نديك الجنسية - أي خدمة يا عم:hump: - ) , وسهل قوي تعرف مكان أي فرن في مصر ( فبمجرد ما تشوف دخان طالع من مدخنة وجنبيه خناقة يبقي ده أكيد فرن ).

ويتكون طابور العيش في مصر من عدة أجزاء رئيسية :-

1- طابور رجالي بالطول ( لو كان صاحب الفرن راجل منظم ) .

أو طابور رجالي بالعرض ( لو كان صاحب الفرن ملوش في النظام والكلام الفارغ ده ) , فتلاقي جماعة متكومين عند الشباك , بتاع8 ولا 9 اتنين منهم بيشتروا وتلاتة ماسكين في خناق بعض ,واتنين بيحوشوا واتنين يبتفرجوا , أما الحريم فنصهم بيصوت والنص التاني بيشجع,وتلاقي واحدة تقول لزميلتها إلي واقفة قدامها :

- أطيعة يا أختشي , يقطع الرجالة وسنينهم السودة , هي الواحدة مننا كل متتطلع بره البيت تلاقي الرجالة ماسكين في خناق بعض , مش كفاية الضرب إلي بياخدوه جوه البيت
- يا ختي بلا نيلة , هما ينفع معاهم غير كده
.
2- طابور حريمي( ويحتوي علي عدد كبير من النساء , والزي الرسمي لهم هي العباية السودة , وممكن يشذ عن القاعدة دي كم واحدة كده من الاطفال أو الشابات ) , وتمتلك كل واحدة منهن سارينة أعلي من صوت سارينة الاسعاف والتي تعمل أوتوماتيكيا بمجرد حدوث أي مشادة بينها وبين أي من زميلاتها في الطابور, ولا مانع من استخدام أسلحتها الاخري من شد الشعور والعض وغيرها من أسلحة المرأة الفتاكة .



نشوف بقى بعض الشخصيات إلي ممكن تشوفها في فرن العيش :


- رجل قد تعدى الستين من عمره , ولا يجد تسلية له إلا بالوقوف يوميا في طابور العيش , فقد يأخذ معه أحد جرائد المعارضة :whistling:ويظل يقرأها طوال الطابور وقد يندمج في أحد المرات مع أحد العناوين الحماسية للجريدة ويصرخ في صاحب الفرن(ياريس........ يا ريس مشي من الطابور يا ريس , كفاية بقى كوسة ومحسوبية احنا واقفين من زمان قوي وساكتين وأنتوا مش معبرنا ............ رغيف العيش يا ريس بقى كله حديد ومسامير ............ياريس أنا رجل عجوز مش قادر أقف في الطابور..............يا ريس ..... يا ريس .........هاتلي بنص جنيه عيش ) .

أو قد يكتفي بمشاهدة المشاجرات اليومية للسيدات في طابور العيش والتي يجد فيها متعة أكبر من متعة مشاهدته للمصارعة الحريمي .


- أحد الاطفال والذي توحمت والدته عندما كان في بطنها علي (زعبوط العفريت) فولدته وقد زادت افرازات غدته العفروتية , فيظل طوال الطابور يتنطط, فشوية تلاقيه أدامك وشوية وراك وشوية تلاقيه ماسك عيل زميله بيضربه , وتجده قد أمسك في يده اليمنى بقفص عيش أطول منه , وفي يده اليسرى قد كور أحد العملات الورقية والتي لم تسلم من تفانينه فشوية يعملها صاروخ ورقي وشوية تانيين يعملها مركب, وممكن تلاقيه مرة عمال يعيط ويقولك ( عمو ..........عمو........عمو , ماما بعتتني أجيب بنص جنيه عيش , بس وأنا جاي الشيطان وزني واشتريت كيس قلبظ ......... ونبي يا عمو أمي هتموتني لو مجبتش العيش ونبي يا عمو اتبرعلي بنص جنيه و أنا هبطل أكل قلبظ تاني ) .

- أحد الشباب يأتي من بعيد نافخا ريشه , مزهوا منبسطا منشكحا ......إلخ , غير مبالي بالواقفين في الطابور وينادي على أحد أصدقائه في الفرن:

ولا ياحمو ............ هات بجنيه عيش , ولكن الواد حمو يكون منهمك في إعطاء العيش للزبائن , فيعلو صوت الشاب : ولا يا حمو يا بن التيييييييييت , انت مش سامعني ؟ فين يا عم العيش أنا واقف بقالي عشر ثواني في الطابور , متجيب يا عم العيش خلينا نشوف مصالحنا , فيرد الواد حمو وقد نقح عليه عرق الصداقة :

- طيب هات القفص بتاعك.

- معاييش قفص .

- طب بعد إزنك كده يا كابتن , إدي الاستاذ ده العيش ده .

ويصرخ الموجودين في الطابور ( الله يخرب بيوتكو , احنا واقفين من الصبح , ما تمشي من الطابور يا حمو) , ويغض حمو الطرف عن كلام الواقفين مرددا في سره ( دا صاحبي وحبيبي , إزاي أسيبه في وقت زنقته يعني؟! )


والحاجات بقى إلي كانت بتغظني شخصيا لما كنت بقف في الطابور , منها علي سبيل المثال الوقوف مدة كبيرة في الطابور من غير مايتحرك , ولو سألت صاحب الفرن يقولك ( يا أستاذ العيش بيطلع وبنبرده جوه) , وهو كان بيدخل جوه يتبرد عشان يروح لبتوع المطاعم والمعارف, حاجة تانية بقى إنك تلاقي واحد جاي من ورا وعامل فيها عبيط وتقوله يا أستاذ ,في طابور , فيهرش في دماغه كده وييجي يتكلم لكن الخط عنده مبيجمعش:whistling: .........فتنادي عليه تاني : يا أستاذ الطابور .......... فيعمل نفسه خارج نطاق الخدمة أو ربما يكون مغلقا:whistling:........ وشوية كدة تلاقي الشبكة عنده بقت خمس شرط, وميل ناحيتك ويبدأ يقرب من الطابور ويقولك بقي وهو مندمج وبيستعبط : يا نهار أبيض الطابور ده مش عاوزيمشي ليه , بيقولو إن الكهربا أطعت ........ حاجة غريبة قوي الواحد كل مايقف في الطابور الكهربا تقطع , وقبل ما يكمل كلامو يكو ن جاب العيش إلي هو عاوزو .

[size=16]
منقووووووووووووووووووول
[/size]
الرجوع الى أعلى الصفحة اذهب الى الأسفل
M_abdelwahab
ADMIN
ADMIN
avatar


ذكر
عدد المشاركات : 1439
احترام القوانين : يحترم ويلتزم بقوانين المنتدى
نقاط : 3663
تاريخ التسجيل : 17/01/2009

الاضافات
ساعه الكترونيه:

مُساهمةموضوع: رد: عاوز تبقى مصرى .... اقف فى الطابور   الأربعاء سبتمبر 16, 2009 8:30 pm

الحمدلله ناس مبتحمدش ربنا هههههههههههههههههههههههههههه حبيبى

-------------------------------------------------------------------------
مدير الموقع والمنتديات
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.ism3lawy.tk
الجنيرال ميدو

avatar

ذكر
عدد المشاركات : 350
احترام القوانين : يحترم ويلتزم بقوانين المنتدى
نقاط : 489
تاريخ التسجيل : 02/04/2009

مُساهمةموضوع: رد: عاوز تبقى مصرى .... اقف فى الطابور   الأربعاء سبتمبر 16, 2009 8:37 pm

m_hoba كتب:
الحمدلله ناس مبتحمدش ربنا هههههههههههههههههههههههههههه حبيبى


الحمد لله

هههههههههههههههههههه

نورت التوبيك يا كبير
الرجوع الى أعلى الصفحة اذهب الى الأسفل
Mahmoud 3hdy

avatar

ذكر
عدد المشاركات : 418
احترام القوانين : يحترم ويلتزم بقوانين المنتدى
نقاط : 542
تاريخ التسجيل : 18/07/2009

الاضافات
ساعه الكترونيه:

مُساهمةموضوع: رد: عاوز تبقى مصرى .... اقف فى الطابور   الإثنين سبتمبر 21, 2009 3:10 am

الناس عمرها ما هتبطل العاده دى انا دايما بتزل فى طابور العيش
والله فى مرة كنت واقف فى قول الطابور و راحو قايلين لسة بنطلع العيش
لقيتهم بيطلعوه من الناحية التانية فى عربيه و تروح ماشية
و احان نفضل واقفين فى الحر و الزحمة

-------------------------------------------------------------------------
منجاوى و افتخر و اللى مش عاجبه ينتحر
الرجوع الى أعلى الصفحة اذهب الى الأسفل
 
عاوز تبقى مصرى .... اقف فى الطابور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: جماهير الدراويش :: قهوه الاسمعلاويه-
انتقل الى: