الجنيرال ميدو
عدد المشاركات : 350 احترام القوانين : نقاط : 489 تاريخ التسجيل : 02/04/2009
| موضوع: ابليس طفش مننا الأربعاء سبتمبر 16, 2009 3:32 pm | |
| على باب سفارة كندا ..لمحت ابليس و ف ايده استماره ..بقول له على فين ..قاللي بص ..يا هجره يا اعاره ..يا عم زهقت كفرت ..الاقيش معاك سيجاره ..انا انتهيت خلاص ..لا نافع وسواس ولا خناس ..ولا ليا عيش وسط الناس دي عالم مجرمين ..عندكوا فائض ف ا...لفساد ..في كل البلاد ..ومش محتاجين شياطين ..مليش عيش ف البلد دي ....بقالي سنين عاطل ...و انتوا بتعرفوا ..تقلبوا الحق باطل ..و تسلكوا القاتل ..و تمشوا ف جنازة المقتول ..ومفيش مشاكل ..يا عم ده انا بقيت أوسوس بالمقلوب ...و أقول للحرامي كفايه بقى توب ..انت هاتعمل كل الذنوب لوحدك ...و أنا ابليس أشتغل واعظ ..ولا كمساري ف اتوبيس ..يا عم ده انا زمان ..كنت استنى حد ينسى يسمي ..وهو بياكل لقمته ..دلوقتي كل اكلكم ملوث ..و بصراحه الواحد خايف على صحته ...ده مفيش ضمير اساسا ..عشان اموته ..و كل واحد بمزاجه ..خربانه ذمته ...يا عم ده كل حاجه اتسرقت ..وكده الاجيال الجديده ..م الحراميه اتظلمت ..يا راجل ده من كتر ما لطشت معايا ..خرجت ف مظاهره ..مع الناس اللي بتقول كفايه ...و برضه مفيش فايده
| |
|
M_abdelwahab ADMIN
عدد المشاركات : 1439 احترام القوانين : نقاط : 3663 تاريخ التسجيل : 17/01/2009
الاضافات ساعه الكترونيه:
| موضوع: رد: ابليس طفش مننا الأربعاء سبتمبر 16, 2009 8:27 pm | |
| | |
|
Mahmoud 3hdy
عدد المشاركات : 418 احترام القوانين : نقاط : 542 تاريخ التسجيل : 18/07/2009
الاضافات ساعه الكترونيه:
| موضوع: رد: ابليس طفش مننا الإثنين سبتمبر 21, 2009 2:55 am | |
| ههههههههههه فعلا صحيح و جامده احنا بقينا شياطين بالنسبا لابليس | |
|