أصل احنا يا ناس الدراويش ( زجل )

[size=24]يوم ما غلبتوا طلايع الجيش ... يا أهلي وف آخر ثانيــــــه
صحافِتكم طِلعت بأفيش ... عن فـُرصه في المباراه التانيه
لـَكِن مين دا احنا الدراويش ... لِعْب برجلين متحَنيَّـــــــــه
مبنِتهَزش م التهويـــش ... علشان دايمًا نادي بطولــــــــه
والدوري بتاع الدراويش ... خطفوه زور منينا ف ثانيـــه
علشان كوسه معانا مفيش
ـــــــــــــــــــــــــــــــــــــــــ
مِنعوا النادي من الجماهير ... مَنعوا الناس تِهتِف لِناديها
بس لعِبنا بدون تقصِير ......... دي بلدنا بالروح نفديهــا
كلـُه بيبذل جُهد كبيــــر .... ومفيش فـُرصه بنعدِّيهــــــا
بس انا عندي سؤال وخطير ... ليه للحق بيبان مقفولـــه
ليه الجايزه ترُوح للغيــر ......... واحنا أحَّق وأجدَّر بيها
بس لعِبنا بدون تقصيـــــــــر
ــــــــــــــــــــــــــــــــــــــــ
إسماعليه ملوك الكوره ... برازيل مصر وفن أصيـــــل
لازم دايمًا يمْلـُوا الصُوره ... باللعـِّيبه جيل ورا جيــــــل
كورته ف كل مكان مشهوره ... بحلاوة فن التغزيـــــــل
جماهيرها دايمًا معذوره ... شاربه من العِشق ومسطوله
حبِّت نادي بيه مسحوره ... علشان لِعبُه تمللي جميــــــل
إسماعليه ملوك الكـــــــــــوره
ــــــــــــــــــــــــــــــــــــــــــــ
مبروك واللهْ علينا الدوري ...... مبروك والله علينا الجايزه
كان ممكن ناخدُه ومن بدري ... لولا ان الحُكـَّام مش عايزه
كنا بنلعب نتعب نجري ............ بس الدنيا كانت بايظـــــه
علشان خاطرك علشان خاطري ... في الآخِر كوُسه ومعموله
لـَكِنْ رغم جوزيه والبدري ... الدراويش في الآخِر فايـــــزه
لو ما كانوشي سرقوا الـــــــــدوري
******************
أزجال ـ مسعدالنحلة