العب يا اسماعيلي العب

[center][size=25]إلعب يا اسماعيلي
إلعب يا اسماعيلي إلعب
خليك مكار زي التعلب
خللي الكوره ف رجلك تِلعب
رقص غزل واهجم واهرب
خللي الخِصم يكون مِحتار
حتى ولو كان فيه نديّه
إما تقيد الملعب نار
أو يستسلم ميه الميه
إلعب يا اسماعيلي إلعب
ــــــــــــــــــــــــــــ
تِلعب دايمًا كوره جميله
أصلك نسخه من البرازيل
نقل باصات مظبوط بالتيله
بعد ما تِبدأ بالتغزيل
كل الناس بتابع فنك
والأنديه بتجيلك خايفه
خايفه تلاعبك تاخد منك
ست جوان من بعد الرأفه
وتخللي ضيوفك تحتار
حتى ولو كان فيه ندّيه
إما تقيد الملعب نار
أو يستسلموا ميه الميه
إلعب يا اسماعيلي إلعب
ـــــــــــــــــــــــــــــــ
دراويش الكوره المصريه
م الساحِل ولبعد المنيا
مشهور ف الدول العربيه
محبوب لِعبُه ف كل الدنيا
لما يسافر يبقى سفيرنا
ويشرَّفنا في بلاد تانيه
واما يكون بيلاعب غيرنا
يفتكروه برازيل ف اسبانيا
يعمل ماتش يكون جبار
يشعر خصمُه بالنديَّه
وأما يقيد الملعب نار
يلعب كوره ميه الميه
إلعب يا اسماعيلي إلعب
ـــــــــــــــــــــــــــــــ
ييجي الأهلي يبقم أهلي
ييجي زمالك برضه اخواتي
اقعد واتفرج على مهلي
لعب جميل رايق وزواتي
كورة الاحمر فيها العظمه
والأبيض مدرسة الكوره
ليه الجاهل يعمل أزمه
بس عشان يظهر في الصوره
يمكن تشجيع زي النار
طول م الملعب فيه جديه
الناس ليه بينهم تحتار
دول مصريين ميه الميه
إلعب يا اسماعيلي إلعب
***********
مُسعدالنحلة